பாலர் பள்ளிகள்

அதிசயங்களை உருவாக்கும் வாசிப்பு

கல்வி   அமைச்சின்   ஃபேரர்   பார்க்   பாலர்   பள்ளி,   தாய்மொழியைக்   கற்பதற்கு   MK-புத்தக   மன்றத்தினை  (MK Book Club)  ஒரு  பயன்முனைப்புமிக்க  கருத்துப்பரிமாற்றத்   தளமாகப்   பயன்படுத்தி   வருகிறது.   பிள்ளைகள்   ஈடுபாட்டுடனும்   விருப்பத்துடனும்   தாய்மொழியைக்   கற்பதற்கு   இது   உதவும்  என்று   ஃபேரர் பார்க்   பாலர்   பள்ளி   நம்புகிறது.
இதன்   காரணமாகப்   பிள்ளைகளுக்குத்   தாய்மொழிப்   புத்தகங்களைப்   படிப்பதில்   ஆர்வத்தை   வளர்க்க   இப்பள்ளி   பல   முயற்சிகளை   மேற்கொண்டு   வருகிறது.   சுயமாகப்   புத்தகங்களைத்   தேர்ந்தெடுத்து   அவற்றை   ஆர்வத்தோடு   வாசிப்பதற்கும்   பிள்ளைகளுக்கு   ஊக்கம்   அளிக்கப்படுகின்றது.   அர்த்தமுள்ள   குடும்பம்   சார்ந்த   நடவடிக்கைகளின்   வாயிலாக   வீட்டில்   வாசிப்புப்   பழக்கத்தை   ஊக்குவிப்பதோடு   பிள்ளைகளுடன்   பெற்றோரும்   இணைந்து   கதை   சொல்லும்   நடவடிக்கைகளில்   ஈடுபடவும்   வாய்ப்பை   ஏற்படுத்திக் கொடுத்திருக்கின்றது.  இதன்  மூலம்  பிள்ளைகளால்  தாய்மொழியில்  பேசவும்  தரமான  கருத்துப்பரிமாற்றத்தில்  ஈடுபடவும்  முடிகிறது.

Reading Creates Wonders

MOE Kindergarten @ Farrer Park believes that every child can learn and use Mother Tongue Language (MTL) as an effective communication tool. Guided by this belief for MOE Kindergarten (MK) children, the centre aims to cultivate children’s love and appreciation for reading of MTL books through their centre-based initiative, the MK Book Club. With child-initiated choice of books, children are motivated to read at their own pace.

To reinforce reading habits at home, the centre partners parents to engage their children in reading and storytelling. Coupled with meaningful family-based activities, this further extends their child’s learning beyond the classroom and builds their confidence in speaking MTL.

மகிழ்வூட்டும் நாடகம்

‘மகிழ்வூட்டும்  நாடகம்’   என்னும்   திட்டமானது,  பாத்திரமேற்று  நடித்தல்  என்னும்  உத்திமுறையைப்  பயன்படுத்தித்  தாய்மொழி  கற்றலை  வீட்டிலும்  ஊக்குவிக்கும்  நோக்கில்  மேற்கொள்ளப்பட்டது.  இது  படித்தல்,  சொல்லுதல்,  நடித்தல்  என்னும்  மூன்று  படிநிலைகளைக்  கொண்ட  செயல்முறையை  உள்ளடக்கியது.
இவ்வுத்திமுறையானது  பிள்ளைகள்  வீட்டில்  அன்றாடம்  பயன்படுத்தும்  பொருள்களை  நடைமுறைக்கேற்ற  வீட்டுச்சூழலில்  பயன்படுத்தித்  தங்கள்  குடும்பத்தாருடன்  தாய்மொழியில்  அர்த்தமுள்ள  கருத்துப்பரிமாற்றத்தில்  மகிழ்வுடன்  ஈடுபடுவதற்கு  உதவுகிறது.  குடும்பப்  பிணைப்பு  வலுப்படுவதோடு,  பாத்திரமேற்று  நடித்தலின்வழிப்  பிள்ளைகளின்  படைப்பாற்றல்  திறனும்  பிரச்சினைக்குத்  தீர்வு  காணும்  திறனும்  வளர்கின்றன.  மேலும், பிள்ளைகள்  வெவ்வேறு  பாத்திரங்களேற்று  நடிப்பதால்,  தங்கள்  தாய்மொழியில்  தன்னம்பிக்கையுடன்  உரையாடும்  திறனையும் பெற  இவ்வுத்திமுறை  உதவுகிறது.

Fun With Drama

‘Fun With Drama’ is about promoting the learning of Mother Tongue Languages (MTL) through the use of dramatic play at home. The approach features a 3-step process namely, Read, Retell and Re-enact (or R3).

Dramatic play at home provides fun and enjoyable opportunities for children to interact with family members using household objects, props and authentic home settings that are real, relevant and meaningful to them. Apart from promoting family bonding and children’s creativity and problem-solving skills, it also helps to strengthen their communication skills and confidence in using their respective Mother Tongue Languages.

இரண்டு கைகள் ஒன்றானால்...

பிள்ளைகளை   எளிய   நடவடிக்கைகளில்   ஈடுபடுத்தி   அவர்களை   ஆர்வத்துடன்   தமிழில்   பேச   ஊக்கப்படுத்துவது   சாரதா   பாலர்   பள்ளியின்   நோக்கமாகும்.   தனது   முயற்சியில்   பெற்றோரையும்   இணைத்துக்கொண்டு   செயற்படுதல்   மிகுந்த   பலனளிக்கும்   என்பது   பள்ளியின்   நம்பிக்கை.
அதனால்,   பெற்றோர்கள்   வீட்டில்   தங்கள்   பிள்ளைகளுடன்   மகிழ்வூட்டும்   நடவடிக்கைகளில்   ஈடுபட   விளையாட்டை   அடிப்படையாகக்கொண்ட   கற்றல்   நடவடிக்கைகள்,   பாடல்கள்,   கதைகள்   போன்றவற்றிற்கான   வளங்கள்   அவர்களுக்கு   வழங்கப்படுகின்றன.   அவற்றைக்   கற்றுக்கொடுப்பதற்கான   உத்திமுறைகளும்   பெற்றோர்களுக்கு   விளக்கப்படுகின்றன.   இவை   பிள்ளைகளது   கற்றலில்   பெற்றோரையும்   பங்கேற்கச்   செய்கின்றன.   ஆசிரியர்கள்   வகுப்பில்   பிள்ளைகளுடன்   இணைந்து   கதைக்கேற்ப நடித்தல்,   கற்றல்   நிலைய   நடவடிக்கைகள்,   விளையாட்டுவழிக்   கற்றல்   போன்ற   பல்வேறு   சுவையான   நடவடிக்கைகளை   மேற்கொள்கின்றனர்.   மேலும்,   பிள்ளைகளின்   மாறுபட்ட   கற்றல்   தேவைகளுக்கேற்ப   வேறுபடுத்தப்பட்ட   கற்பித்தல்   நடவடிக்கைகளிலும்   கருத்துப்பரிமாற்ற   நடவடிக்கைகளிலும்   அவர்களை   ஈடுபடுத்துகிறார்கள்.   இந்த   முயற்சிகள் பிள்ளைகள்   தமிழை   ஆர்வத்துடன்   கற்கவும்   தன்னம்பிக்கையுடன்   பேசவும்   துணைபுரிகின்றன.
பள்ளி,   குடும்பம்   ஆகிய   இரு   தரப்பினரின்   கூட்டு   முயற்சியைச்   சித்திரிக்கும்   வகையிலான   தகவல்கள்   பள்ளியின்   மின்கூடத்தில்   இடம்பெற்றுள்ளன.   கல்வியாளர்களும்   பெற்றோர்களும்   இவற்றைப்   பார்த்தும்   படித்தும்   பயன்பெறுவார்கள்   எனப்   பள்ளி   ஆசிரியர்களும்   நிர்வாகத்தினரும்   நம்புகிறார்கள்.

Collaboration to Motivate Speaking of the Tamil Language

Ramakrishna Mission Sarada Kindergarten aims to encourage students to speak in Tamil through engaging them in simple activities and by working with parents through the provision of resources and strategies for play-based learning activities that enable parents to engage children in fun activities at home. In class, teachers will engage the children through a variety of interesting activities such as storytelling, learning centre activities and differentiated interactive activities. These initiatives help children learn and speak Tamil with confidence. The e-booth showcases the school’s efforts as well as the collaboration with families to motivate the children to speak Tamil.