தமிழ் ஒளிக்காட்சிகள்

தெரிந்தும் தெரியாமலும் சின்னஞ்சிறிய தமிழ்ப்பாடம் [Livestreaming on 29 August from 12.30pm to 1.30pm] Ms Elakeyaa Selvaraji Ms Elakeyaa Selvaraji Ministry of Manpower Senior Manager தன்விவரம் திருமதி இலக்கியா செல்வராஜி, மனிதவள அமைச்சில் தற்போது மூத்த மேலாளராக பணியாற்றிவருகிறார். இதற்கு முன்னதாக, மீடியகார்ப் நிறுவனத்தில் தமிழ் மற்றும் ஆங்கிலச் செய்திப் பிரிவுகளில் மூத்த நிருபராகவும் செய்திப் படைப்பாளராகவும் ஏழு ஆண்டுகள் பணியாற்றியுள்ளார். பல விருதுகளை வென்றிருக்கும் திருமதி இலக்கியா, சிறந்த தகவல் தொடர்பு நிகழ்ச்சிக்கான படைப்பாளர் மற்றும் சிறந்த இளைய நிருபருக்கான பாராட்டுகளையும் பெற்றுள்ளார். இரண்டு பிள்ளைகளுக்குத் தாயாரான திருமதி இலக்கியா, இளம் வயதில் பிள்ளைகளுக்குத் தமிழ்மொழி ஆர்வத்தை எப்படி ஏற்படுத்துவது என்பது பற்றி அவ்வப்போது பகிர்வுகளில் பேசிவருகிறார்; அவற்றில் பற்பல உத்திகளையும் பகிர்ந்துவருகிறார். சுருக்கவுரை தெரிந்தும் தெரியாமலும் சின்னஞ்சிறிய தமிழ்ப்பாடம் இன்றைய சூழலில், பிள்ளைகளிடையே தமிழ் மொழி மீதான ஆர்வத்தை எவ்வாறு தூண்டுவது என்பது பல பெற்றோருக்கு எழும் ஐயப்பாடாகும். தமிழ்ப் பயிற்சித் தாட்களைச் செய்வதும் துணைப்பாட வகுப்புகளில் ஈடுபடுத்துவதும் பிள்ளைகளுக்கு மொழிமீதான ஆர்வத்தை அதிகரிக்காது. பிள்ளைகளிடையே ஆர்வத்தைத் தூண்டுவதற்குரிய மிகப்பொருத்தமான உத்திமுறைகளைப் பயன்படுத்துவது அவசியம். இவ்வுத்திமுறைகள் இயல்பாகவும் அச்சுறுத்தாத வகையிலும், அமைவது முக்கியம். இத்தகைய உத்திமுறைகளே பிள்ளைகள் சுயமாக முன்வந்து மொழி கற்றலில் ஈடுபடுவதற்கு வழிவகுக்கும். இரண்டு இளம் பிள்ளைகளுக்குத் தாயாராக இருக்கும் அவர், தனது பிள்ளைகளிடம் தொடர்ந்து பயன்படுத்திவரும் உத்திமுறைகளையும் முயற்சிகளையும் இப்பகிர்வங்கத்தின் வாயிலாகப் பகிர்ந்து கொள்ளவிருக்கிறார். இவற்றைப் பெற்றோர் அவரவர்களுக்கேற்ப மாற்றி அமைத்துக்கொள்ளலாம். Profile Ms Elakeyaa Selvaraji is currently working as a senior manager with the corporate communications division at the Ministry of Manpower. Prior to this, she worked at Mediacorp for 7 years in the field of journalism as both a journalist and a News Presenter with the Tamil News Division and Channel News Asia. During her stint with Tamil News, Ms Elakeyaa won several accolades such as Best Host (Info-Ed), A special commendation as a “Young Journalist of the Year” and other awards including Best News story. She has special interest in education, parenting and Tamil Language. She has actively promoted parenting tips and Tamil Language cultivation ideas for young children. Synopsis Fun-filled Ways in the Learning of the Tamil Language Current key concerns amongst young Indian parents is how to nurture the love of the Tamil Language in their children. A love for the language cannot be derived from tuition or assessment books and practices. Rather, a child’s engagement with the language needs to be fun, practical, engaging and creative. In this workshop, participants will learn of the challenges the presenter faced in getting her children to speak Tamil and the efforts she made to cultivate their interest in the Tamil Language through strategies such as streamlining learning with what children see, do and like. Come and learn useful tips in making children engaged in the learning of the Tamil Language.
கதைகள்வழி மகிழ்ச்சியான கற்றல் [Livestreaming on 29 August from 2.00pm to 3.00pm] Mrs Rani Kanna & Mr Anandha Kannan Mrs Rani Kanna & Mr Anandha Kannan AKT Creations Directors தன்விவரம் திருமதி ராணிகண்ணா முழு நேரமாக கலைக் கல்வித்துறையில் ஈடுபட்டு வருகிறார். இவர் ஒரு முன்னாள் தமிழாசிரியர். சிங்கப்பூர்த் தேசிய கல்விக்கழகத்தில் ஆசிரியர் பயிற்சியையும் சென்னைப் பல்கலைக்கழகத்தில் இளங்கலையும் முதுகலையும் முடித்துள்ளார். சிங்கையிலும் மற்ற நாடுகளில் நடக்கும் கதை சொல்லும் விழாக்களிலும் இவர் பங்கேற்றுவருகிறார். இவரது கதை சொல்லும் பாணி மாணவர்களை எளிதில் ஈர்க்கக்கூடிய வகையில் அமைந்திருக்கும். தற்போது மரபுக்கலைகளின்வழி எவ்வாறு தமிழ்மொழி கற்றலை ஊக்குவிக்கலாம் என்பதையொட்டிய ஆய்வை மேற்கொண்டு வருகிறார். சிங்கையில் தமிழ் மாணவர்களுக்கு மரபுக்கலையையும் தமிழையும் ஒன்றிணைத்துக் கற்பித்தும் வருகிறார். 2014ஆம் ஆண்டுமுதல் பாலர் பள்ளி மாணவர்களுக்காக இசை நாடகத்தை வடிவமைத்து, இயக்கி, அதில் நடித்தும் வருகிறார். இந்நாடகங்கள் சிங்கையில் பல்வேறு பகுதிகளில் அரங்கேறியிருக்கின்றன. மாணவர்கள் மகிழ்வுறும் வகையில் தமிழ்மொழியைக் கற்க வேண்டும் என்பதே திருமதி ராணியின் இலக்கு. நாடகக் கலைஞர் ஆனந்த கண்ணன் அவர்கள் தமிழ் மரபு நிகழ்கலை, நாடகம், கூத்து முதலான கலைகளின்மீது அதிக ஆர்வம் கொண்டவர். இக்கலைகளைக் கற்பதோடு கற்பித்ததைப் பகிர்ந்துகொள்ளவும் இவர் மிகுந்த ஆவலுடன் செயற்பட்டுவருகிறார். இவர் AK தியேட்டர் லிமிடெட் (சிங்கப்பூர்), ஆனந்தக் கூத்து டிரஸ்ட் (இந்தியா) ஆகிய நிறுவனங்களின் இயக்குநராகப் பொறுப்பேற்றுள்ளார். நாடகங்களை இயக்குவது, பயிலரங்குகளை வடிவமைப்பது போன்றவற்றில் இவர் ஈடுபட்டு வருகிறார். மகிழ்வூட்டும் வகையில் கல்வி கற்கப் பல வழிகளுண்டு என்பதை நிகழ்கலைகளைக்கொண்டு உணர்த்த முடியும் என்பது இவர் கொண்டுள்ள சித்தாந்தமாகும். இவர் சிங்கப்பூர் "ஃபிலிம் கமிஷன்" ஆதரவில் பட்டப்படிப்பை முடித்தவர். தென்னிந்தியத் தொலைக்காட்சி நடிகர்கள் சங்கம் நடத்திய போட்டியில் விருதுபெற்ற பெருமையும் இவருக்கு உண்டு. 2008-ஆம் ஆண்டில் இண்டர்நேஷனல் "யூத் ஐகான்" என்ற அங்கீகாரம் இவருக்குக் கிடைத்தது. மேலும் 2012-ஆம் ஆண்டின் பிரதான விழாவில் சிறந்த நிகழ்ச்சிப் படைப்பாளர் என்னும் விருதையும் இவர் பெற்றிருப்பது குறிப்பிடத்தக்கது. சுருக்கவுரை கதைகள்வழி மகிழ்ச்சியான கற்றல் கதைசொல்லுதல் குழந்தைகளின் கற்பனைத் திறனை வளர்க்கும் ஒரு முக்கிய உத்தியாகும். குழந்தையின் படைப்பாற்றலை மேம்படுத்துவதில் கற்பனைத்திறன் பெரும் பங்கு வகிக்கிறது. இது பேச்சு மற்றும் கருத்துப்பரிமாற்றத் திறன்களையும் தன்னம்பிக்கையையும் வளர்க்க உதவுகிறது. குழந்தைகளைக் கதைகளில் ஈடுபடுத்தும்போது அவர்கள் உற்சாகம் அடைகிறார்கள். பயனுள்ள கதையைச் சொல்லும்போது தன்னுள் உள்ள உணர்வுகள், சக மனித உணர்வுகள் ஆகியவற்றைப் பற்றிய ஆழமான புரிந்துணர்வு உண்டாகின்றது. மேலும், அது குறித்த யோசனைகளும் புத்தாக்கச் சிந்தனைனகளும் தூண்டப்படுகின்றன. இதன்வழி, உகந்த கதை சொல்லும் உத்தி, ஊடாடும் திறன் மற்றும் புத்தாக்கத்துடன் கதைகளைச் சொல்லும் முறையைக் கற்றலில் இணைந்து கற்றலை மகிழ்வூட்டும் அனுபவமாக மாற்றுகிறது. எனவே, வாருங்கள்! இப்பயிலரங்கின் வாயிலாகக் கதைகளைக் குழந்தைகளுக்குச் சுவைபடச் சொல்லி மொழி ஈடுபாட்டை வளர்ப்போம்; கற்றலை இனிமையாக்குவோம். Profile Mrs Rani Kanna is a professional storyteller, art educator and actor. She is a former MOE Tamil teacher and holds a degree in Tamil Literature from India. She also has a Master’s degree in Applied Linguistics and hands-on experience with traditional art forms from India which she teaches and infuses with the learning of Tamil. Mrs Kanna has actively participated in many storytelling festivals both in Singapore and overseas. Her narrations, enriched with actions and voices, are full of life. She has been directing and acting in pre-school musicals since 2014 and is passionate about making the learning of Tamil fun for young children. An avid explorer of theatre and fine arts since childhood, Mr Anandha Kannan is a gregarious, animated and engaging artist. He is the Founder Director of AK Theatre Limited (Singapore), a theatre which stages plays for children; Creative Director of Anandha Koothu Trust and Artistic Director of AKT Creations. A Singapore Film Commission scholar, he is a passionate performer who is keen to share his vast knowledge, insights and love for the theatre with students from all walks of life. He has been awarded the International Youth Icon at the World Universities Youth Conference (2008), Best Actor in Television Actors Guild Awards (South India, 2008) and Best Anchor PradhanaVizha 2012 (Singapore TV Awards). Synopsis Joyful Learning through Stories Storytelling is a powerful medium to stimulate imagination in kids. Imagination enhances a child’s creativity and fosters confidence in communication and speaking skills. This session will share enjoyable techniques for storytelling, interactivity and innovation that will stimulate your children’s imagination and inspire them. Let us make narratives come alive for children.
வாங்க தமிழ்மொழி கற்றலைச் சுவைமிகுந்ததாக்கலாம்! Mr Mohan Suppiah & Mr Balajee Haridas Mr Mohan Suppiah Blangah Rise Primary School Head of Department Mr Balajee Haridas Ministry of Education Curriculum Resource Development Officer, CPDD தன்விவரம் தமிழாசிரியர் திரு மோகன் சுப்பையா, தமிழ்மொழி கற்பித்தலில் பதினொரு ஆண்டுகளுக்குமேல் அனுபவம் வாய்ந்தவர். இவர், பிளங்கா ரைஸ் தொடக்கப்பள்ளியில் நற்குணம் மற்றும் குடியியல் கல்வித் துறைக்குத் தலைவராகப் பொறுப்பேற்றுள்ளார். தேசியக் கல்விக் கழகத்தில், தமிழ்மொழியில் முதுகலைப் பட்டம்பெற்றுள்ளார். தமிழ் முரசும் சிங்கப்பூர்த் தமிழாசிரியர் சங்கமும் தமிழ்மொழி கற்றல் வளர்ச்சிக் குழுவும் இணைந்து வழங்கும் ‘நல்லாசிரியர் விருது’, தமிழ்ச்செய்தியின் ‘நவசுடர் விருது’, தேசியக் கல்விக் கழகத்தின் ‘பரிவுமிக்க ஆசிரியர்’ விருது முதலிய விருதுகளைத் திரு மோகன் பெற்றுள்ளார். இவை இவர் தமிழ்மொழியின்மீதும் மாணவர் நலத்தின்மீதும் கொண்டுள்ள பற்றுக்குச் சான்று பகருகின்றன. மேலும், இவர் தமிழாசிரியர்ப்பணியில் சேர விரும்புவோருக்குப் பணி தொடர்பான உரைகளையும் நிகழ்த்தியுள்ளார். பல மாநாடுகளில் கற்றல், பயிற்றுமுறைகள் தொடர்பான கட்டுரைகளைப் படைத்த அனுபவமும் திரு மோகனுக்கு உண்டு. திரு பாலாஜி ஹரிதாஸ் கல்வி அமைச்சின் பாடக்கலைத்திட்ட வரைவு மேம்பாட்டுப் பிரிவின் தமிழ்மொழிப் பகுதியில் பாடக்கலைத்திட்ட வள மேம்பாட்டு அதிகாரியாகப் பணியாற்றி வருகிறார். இவர் தொடக்கப்பள்ளிகளுக்கான பயிற்றுவளங்களை வடிவமைக்கும் குழு உறுப்பினர்களுள் ஒருவராக இருக்கிறார். மேலும், தமிழ்மொழி கற்றல் வளர்ச்சிக் குழுவின் செயற்குழுத் தலைவராகவும் பொறுப்பாற்றுகிறார். தமிழ்மொழியை இளையச் சமூகத்தினரிடையே கொண்டு சேர்க்கும் நோக்கில் தமிழ்ச் சமூகத் தலைவர்கள் மற்றும் பங்காளித்துவ அமைப்பினர்களுடன் இணைந்து செயலாற்றிவருகிறார். இதற்குமுன் திலொக் குராவ் தொடக்கப்பள்ளியில் தமிழ்த்துறையின் ஒருங்கிணைப்பாளராகவும் மாணவர் தலைமைத்துவத் துறைக்குப் பாடத்தலைவராகவும் பணியாற்றியுள்ளார். இவர் தமிழ்மொழியிலும் இலக்கியத்திலும் இளங்கலைப் பட்டம் பெற்றுள்ளார். சுருக்கவுரை வாங்க தமிழ்மொழி கற்றலைச் சுவைமிகுந்ததாக்கலாம்! பிள்ளைகளின் மொழி கற்றலுக்கு அடித்தளம் குடும்பத்தினரின் ஆதரவும் ஈடுபாடும் என்றால் அது மிகையாகாது. பிள்ளைகள் தாய்மொழியைக் கற்கவும் மொழித் திறன்களை மேம்படுத்திக்கொள்ளவும் ஆசிரியர் - பெற்றோர் ஆகிய இருதரப்பினரது கூட்டுமுயற்சியும் ஒன்றிணைந்த பங்கும் மிகவும் முக்கியம். வீட்டில் தமிழ்மொழிப் புழக்கம் இருக்குமாயின் அது இயல்பான வாழ்க்கைச் சூழலில், பிள்ளைகள் மொழியைக் கற்றுக்கொள்ள ஒரு நல்ல வாய்ப்பை ஏற்படுத்திக்கொடுக்கின்றது. இது பள்ளியில் அவர்களது மொழிகற்றலுக்கு உறுதுணையாகவும் அமைகின்றது. இந்தப் பகிர்வங்கத்தின் வாயிலாகப் பிள்ளைகளது தமிழ்மொழிகற்றலுக்கு உகந்த சூழலை உருவாக்குவதற்குரிய புத்தாகமிக்க வழிமுறைகளைப்பற்றிப் பங்கேற்பாளர்கள் அறிந்துகொள்வர். மேலும், எளிய விளையாட்டுகளை ஆக்கபூர்வமான வகைகளில் பயன்படுத்தித் தமிழ்மொழிகற்றலை மேம்படுத்துவதற்கான முறைகளையும் அறிந்துகொள்வர். இவ்வழிமுறைகளையும் அணுகுமுறைகளையும் எளிதில் செயற்படுத்துவதற்கேற்ற வகையில் புதிய தொடக்கப்பள்ளித் தமிழ்மொழிப் பாடநூல்களும் பயிற்றுவளங்களும் எவ்வாறு வடிவமைக்கப்பட்டுள்ளன என்பதையும் புரிந்துகொள்வர். பிள்ளைகள் இல்லங்களிலும் பள்ளியிலும் மகிழ்வுடன் தமிழ்மொழியைக் கற்க இவ்வளங்கள் எவ்வாறு வழிவகுக்கின்றன என்பதையும் பங்கேற்பாளர்கள் அறிந்துகொள்வர். Profile Mr Mohan Suppiah has eleven years of teaching experience as a Tamil Language Teacher. He is currently the Head of Department for Character and Citizenship Education (CCE) at Blangah Rise Primary School. He has completed his Master’s in Education (Tamil Language) at NIE/NTU and has a deep love for the Tamil Language. He has received various accolades for teaching such as the 'Most Inspiring Tamil Teacher Award' by Tamil Murasu, Singapore Tamil Teachers’ Union and the Tamil Language Learning and Promotion Committee, Mediacorp’s Tamil News ‘Navasudar’ Community Award and NIE’s ‘Caring Teacher’ Award. He has conducted career talks for aspiring Tamil Language teachers and has also presented his tested teaching pedagogies and methods at several local and international conferences. Mr Balajee Haridas is a Curriculum Resource Development Officer for Tamil Language at the Curriculum Planning and Development Division, Ministry of Education. He is currently involved in developing teaching and learning resources for the Tamil Primary Curriculum. As the Head Secretariat for the Tamil Language & Learning Promotion Committee (TLLPC), he is also actively involved in promoting the Tamil Language to the larger Tamil community by working with key community leaders, stakeholders and partners. Prior to working at in MOE, he held the position of Tamil Coordinator and Subject Head for Student Leadership in Telok Kurau Primary school. He holds a Bachelor's Degree in Tamil Language and Literature. Synopsis Let’s Learn our Tamil Language! Family involvement and support play an integral role in a child’s acquiring a language. This requires collaboration between schools and parents in supporting every step each child takes in learning and developing his/her language skills. Exposure to the Tamil Language at home gives children more opportunities to use the language in everyday life and also enables them to be more confident in using the language. This session will help participants to gain better understanding about the Primary Curriculum and learn how to create authentic opportunities and apply innovative strategies to foster a child’s learning of the Tamil Language at home.
மொழி கற்றலில் கதை என்னும் திறவுகோல் Ms Darseni Rengasamy Ms Darseni Rengasamy National Institute of Early Childhood Development Lecturer தன்விவரம் திருமதி தர்ஷினி இளம் பருவ வளர்ச்சிக்கான தேசியக் கல்விக் கழகத்தில் (நீ ஆன் பலதுறைக்கல்லூரி) விரிவுரையாளராகப் பணியாற்றிவருகிறார். இவர் இளம்பருவக் கல்வித்துறையில் பதினைந்து ஆண்டு அனுபவம் பெற்றவர். மேலும், இவர் கல்வியாளர், பாடத்திட்ட அதிகாரி, பள்ளிசார் பயிற்சி மேற்பார்வையாளர், விரிவுரையாளர் எனப் பல்வேறு பொறுப்புகளையும் வகித்திருக்கிறார். 2020-ஆம் ஆண்டின் நீ ஆன் பலதுறைத் தொழில்நுட்பக்கல்லூரியின் பள்ளிக்கான கற்பித்தல் விருது பெற்றவர்களில் இவரும் ஒருவராவர். இளம்பருவக் கல்வித்துறையில் பாடத்திட்டமிடல், தாய்மொழி மேம்பாடு, உகந்த கற்றல் சூழல் மற்றும் வகுப்பறை மேலாண்மை ஆகியவற்றில் இவருக்கு அதிக ஆர்வம் உண்டு. குழந்தைகளின் ஆரம்பகால வளர்ச்சியிலும், அவர்களின் எதிர்கால மேம்பாட்டிலும் பெரியவர்கள் முக்கியப்பங்கு வகிக்கிறார்கள் என்று திருமதி தர்ஷினி உறுதியாக நம்புகிறார். சுருக்கவுரை மொழி கற்றலில் கதை என்னும் திறவுகோல் பிள்ளைகளின் மொழி கற்றலில் கதைகளின் பயன்பாட்டைக் கற்பித்தல் கோட்பாடு வலுவாக ஆதரிக்கிறது. மொழிகற்றலின் மையமாகக் கதைகளைப் பயன்படுத்தினால் அவற்றைப் பிள்ளைகள் எளிதில் புரிந்துகொள்கிறார்கள். கவனமாகத் தேர்ந்தெடுக்கப்பட்ட கதை சார்ந்த நடவடிக்கைகள் அர்த்தமுள்ள சூழலை வழங்குவதால் குழந்தைகள் இயல்பாகவே அந்த அனுபவத்தில் மூழ்கிவிடுகிறார்கள். ஆய்வினால் உறுதி செய்யப்பட்ட இந்த வழிமுறையைக் கையாண்டு குழந்தையின் ஈடுபாட்டை வளர்க்க முயன்று கல்வியாளர்களும் கல்வி நிபுணர்களும் வெற்றி கண்டுள்ளனர். குழந்தையின் கற்றல் மற்றும் வளர்ச்சியில் ஆர்வமுள்ள எவரும் சூழலுக்கேற்பப் பொருந்துவதைப் பயன்படுத்தி மொழியைக் கற்பிக்கலாம். குழந்தைகளின் கல்வியில் பெற்றோர் ஈடுபாடு மிகவும் முக்கியம். இல்லம் சார்ந்த கற்றலில் இதன் முக்கியத்துவம் மேலும் வலியுறுத்தப்பட்டுள்ளது. எனவே, இந்தப் பயிலரங்கு பெற்றோர் அல்லது கல்வியாளர்கள் எவ்வாறு கதைகளின்வழியே தாய்மொழிச் சூழலை வீட்டிலோ அல்லது வகுப்பறையிலோ வழங்கலாம் என்பதை ஆராயும் வகையில் அமைக்கப்பெற்றிருக்கிறது. Profile Ms Darseni is a lecturer with the National Institute of Early Childhood Development, Ngee Ann Polytechnic (NIEC-NP). She has served for 15 years in the field of early childhood education, holding various positions as an educator, curriculum planner, practicum supervisor and lecturer. She is also one of the Ngee Ann Polytechnic School’s Teaching Awardees for 2020. Her areas of interest in early childhood include curriculum planning, Mother Tongue Language development, effective learning environment and classroom management. Ms Darseni strongly believes that adults play a crucial role in children’s early development and in shaping their future. The co-presenters Lesalan S/O Bathmanathan and Nivetha D/O Loganathan are full-time students from Diploma in Tamil Studies with Early Education, NIEC (NP). Synopsis Story: A Key to Language Learning Pedagogical theory strongly supports the use of stories in teaching language to children. Having stories as a central component of language lessons both contextualises language learning and creates opportunities to inspire young children. Story-related activities enable children to be immersed in the story as a meaningful experience. This proven strategy enables educators and professionals alike to successfully engage their learners. Home-Based Learning (HBL) is becoming a new norm. The presenter will share strategies as to how stories and related activities can be creatively used by parents and educators to enthuse our children in the learning of the language whether at home or in the classroom.